काठमाडौं । ग्लोबल आइएमई लघुवित्त वित्तीय संस्थाले गत आर्थिक वर्षको वित्तीय अवस्था सार्वजनिक गरेको छ ।
संस्थाले गत आवको असार मसान्तसम्म २२ करोड ७६ लाख ५४ हजार रुपैयाँ नाफा आर्जन गरेको छ । जुन अघिल्लो आवको सोही अवधिको तुलनामा २८३.०९ प्रतिशतले बढी हो । अघिल्लो आवको सोही अवधिमा संस्थाले ५ करोड ९४ लाख २६ हजार रुपैयाँ नाफा आर्जन गरेको थियो ।
कम्पनीको खुद ब्याज आम्दानी र सञ्चालन मुनाफा आएको सुधारले नाफा बढाएको छ । गत आवको असार मसान्तसम्म आईपुग्दा कम्पनीको खुद ब्याज आम्दानी ७२.५१ प्रतिशतले बढेर ४५ करोड ३१ लाख १७ हजार रुपैयाँ पुगेको छ । यस्तै सञ्चालन मुनाफा पनि २४१.१४ प्रतिशतले बढेर ३१ करोड ३२ लाख ९४ हजार रुपैयाँ रहेको छ ।
४३ करोड १७ लाख १० हजार रुपैयाँ चुक्ता पुँजी रहेको कम्पनीको जगेडा कोषमा ३४ करोड ५४ लाख ५५ हजार रुपैयाँ रहेको छ । २ अर्ब १३ करोड ८६ लाख ८१ लाख रुपैयाँ निक्षेप संकलन गरेको कम्पनीले ६ अर्ब १६ करोड २६ लाख २ हजार हजार रुपैयाँ कर्जा लगानी गरेको छ । कम्पनीको खराब कर्जा ०.७२ प्रतिशतबाट बढेर २.६६ प्रतिशतमा पुगेको छ । कम्पनीको प्रतिसेयर आम्दानी ५२ रुपैयाँ ७३ पैसा रहेको छ भने प्रतिसेयर नेटवर्थ १८० रुपैयाँ ०२ पैसा रहेको छ ।
वि.सं.२०७८ साउन १८ सोमवार १०:५२ मा प्रकाशित
