काठमाडौं । केन्द्रीय अनुसन्धान ब्यूरो(सीआईबी)ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
सीआईबीले काठमाडौं बूढानिलकण्ठ नगरपालिका– ३ का ६२ वर्षीय ठाकुर प्रताप थापालाई पक्राउ गरेको हो । थापालाई उच्च अदालत पाटनले बैंकिङ्ग कसूर मुद्दामा २०७६ भदौ ३ गते कसूरदार ठहर गरेको थियो ।
थापाले आफ्नो खातामा पर्याप्त मौज्दात रकम नभएको भन्ने जानी जानी च झुक्यानमा पारी चेक काटेर दिएका थिए । थापालाई मंगलबार चक्रपथबाट पक्राउ गरि फैसाला कार्यन्वयनका लागि जिल्ला अदालत काठमाडौंमा पेश गरेको प्रहरीले जनाएको छ ।
प्रहरीका अनुसार थापालाई बैंकिङ्ग कसूर तथा सजाय ऐन २०६४ बमोजिम ३९ लाख ९६ हजार ४ सय रुपैयाँ जरिवाना हुने छ ।
वि.सं.२०७८ साउन १९ मंगलवार १६:२३ मा प्रकाशित