काठमाडौं । सात करोड बढी राजस्व छलि गर्ने एभरेष्ट मोइवाइल सेन्टर विरुद्ध मुद्दा दायर भएको छ ।
रुपन्देहीको सिद्धार्थनगर नगरपालिका– ९ का ३५ वर्षीय विष्णु ज्ञवाली विरुद्ध राजस्व अनुसन्धान विभागले उच्च अदालत तुल्सीपुरमा मुद्दा दायर गरेको हो ।
ज्ञवालीको फर्ममा रहेका मोबाईलजन्य माल वस्तुहरुको भौतिक गणना गर्दा देखिएको मौज्दात र बिक्रीको विवरण फरक देखिएको, उनले पेश गरेको वित्तीय विवरण र आय विवरणमा बिक्री आय लुकाएको विभागले जनाएको छ ।
विभागका अनुसार मालवस्तु विक्री गर्दा बिल बिजक जारी नगरी न्यून मौज्दात देखाएको र भन्सार चोरी पैठारी गरी मालवस्तुको अधिक मौज्दात देखाई अवैध (लुज) बिल बिजकबाट मालवस्तु खरिद र बिक्रीगरी वास्तविक बिक्री आय लुकाएका थिए ।
साथै बिल बिजक जारी नगरी मालवस्तु बिक्री गरिएको तथा भन्सार चोरी पैठारी गरी राजस्व चुहावट गरेको पाइएको विभागले जनाएको छ ।
ज्ञवालीलाई १४ करोड ७५ लाख ५१ हजार १५२ रुपैयाँ समायको माग दावी गरिएको छ ।
वि.सं.२०७८ साउन १९ मंगलवार १७:२२ मा प्रकाशित