काठमाडौं । नेरुडे लघुवित्त वित्तीय संस्थाले गत आर्थिक वर्ष २०७७/७८को चौथो त्रैमासमा १८ करोड २३ लाख ४८ हजार रुपैयाँ नाफा कमाएको छ ।
बिहीवार कम्पनीले सार्वजनिक गरेको गत वर्षको चौथो त्रैमासिक वित्तीय अवस्थाको तथ्याङ्कले यस्तो देखाएको हो । जुन अघिल्लो आवको सोही अवधिको तुलनामा १५७.३१ प्रतिशतले बढी हो । कम्पनीले अघिल्लो वर्षमा ७ करोड ८ लाख ६५ हजार रुपैयाँ नाफा कमाएको थियो ।
कम्पनीको खुद ब्याज आम्दानी गत वर्ष ४७.७८ प्रतिशतले बढेको छ । अघिल्लो वर्ष ३८ करोड ३८ लाख ६६ हजार रुपैयाँ खुद ब्याज आम्दानी गरेको कम्पनीले गत वर्ष भने ५६ करोड ७२ लाख ९५ रुपैयाँ आम्दानी गरेको छ ।
कम्पनीको चुक्तापुँजी ४९ करोड ३८ लाख ७७ हजार रुपैयाँ रहेको छ भने जगेडा तथा कोषमा ६३ करोड ५२ लाख ९५ हजार रुपैयाँ रहेको छ ।
अघिल्लो वर्ष ३.९७ प्रतिशत रहेको निष्क्रिय कर्जा गत वर्ष बढेर ४.३६ प्रतिशत पुगेको छ । कम्पनीको प्रतिसेयर आम्दानी ३६ रुपैयाँ ९२ पैसा र प्रतिसेयर नेटवर्थ २२८ रुपैयाँ ६३ पैसा रहेको छ ।
वि.सं.२०७८ साउन २१ बिहीवार १२:५८ मा प्रकाशित
