काठमाडौं । चन्द्रागिरी हिल्सको सेयर मूल्यमा गिरावट आएको छ । सोमबार कम्पनीको सेयर मूल्य २.८३ प्रतिशतले घटेको हो ।
साताको दोस्रो कारोबार दिन कम्पनीको सेयर मूल्य प्रतिकित्ता ४५ रुपैयाँले घटेको हो । योसंगै आज कम्पनीको सेयर मूल्य १ हजार ५४३ रुपैयाँ पुगेको छ ।
नेपाल स्टक एक्सचेञ्ज(नेप्से) का अनुसार आज कम्पनीको २ करोड ११ लाख १२ हजार रुपैयाँ बराबरको कारोबार भएको छ । आज कम्पनीको १३ हजार ६७६ कित्ता सेयर खरिदबिक्री भएको नेप्सेले जनाएको छ ।
सोमबार नै कम्पनीले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ । कम्पनीको अधिकांश सूचक नोक्सानीमा देखिएका छन् ।
गत आवको चौथो त्रैमासमा कम्पनीले १४ करोड ७२ लाख २६ हजार रुपैयाँ नोक्सानी ब्यहोरेको छ । चन्द्रागिरी गत आवमा २५ करोड ३८ लाख ४२ हजार रुपैयाँ नोक्सानीमा देखिएको हो ।
जुन अघिल्लो वर्षको सोही अवधिको तुलनामा कम्पनीको नोक्सानी १३८.०८ प्रतिशतले बढेको हो । कम्पनी अघिल्लो आवमा १० करोड ६६ लाख १६ हजार रुपैयाँ नोक्सानीमा रहेको थियो ।
कम्पनीको चुक्तापुँजी १ अर्ब ५३ करोड ४० लाख ९१ हजार रुपैयाँ रहेको छ । जगेडा तथा कोष पनि नोक्सानीमा देखिएको छ । अघिल्लो आवमा १३ करोड ९७ लाख १७ हजार रहेको उक्त कोषमा नोक्सानी गत वर्ष बढेर ३९ करोड ३५ लाख ६० हजार रुपैयाँ पुगेको छ ।
कम्पनीको संचालन मुनाफा पनि घटेको छ । गत वर्ष कम्पनीको संचालनमा मुनाफा १९ करोड १५ लाख ५ हजार रुपैयाँले घटेको हो । अघिल्लो आवको चौथो त्रैमासमा ४३ करोड ३० लाख ८३ हजार रुपैयाँ संचालन मुनाफ रहेको कम्पनीको गत वर्ष भने २२ करोड १५ लाख ७८ हजार रुपैयाँमा झरेको छ ।
कम्पनीको प्रतिसेयर आम्दानी पनि १६ रुपैयाँ ५५ पैसा ऋणात्मक देखिएको छ ।
वि.सं.२०७८ साउन २५ सोमवार १६:०७ मा प्रकाशित