काठमाडौं । नयाँ आर्थिक वर्ष सुरु भएयता वाणिज्य बैंकमा निक्षेप संकलन ६१ अर्ब रुपैयाँले घटेको छ भने कर्जाको माग ११ अर्ब रुपैयाँले बढेको छ ।
बैंकर्स संघका अनुसार असार ३१ गतेसम्म वाणिज्य बैंकले ४२ खर्ब १ अर्ब रुपैयाँ निक्षेप संकलन गरेका थिए । अहिले साउन तेस्रो सातासम्म आइपुग्दा निक्षेप संकलन ६१ अर्ब रुपैयाँले घटेर ४१ खर्ब ४० अर्ब रुपैयाँ रहेको छ ।
साउन पहिलो साता नै बैंकको निक्षेप संकलन ४३ अर्ब रुपैयाँले घटेर ४१ खर्ब ५८ अर्ब रुपैयाँमा सिमित बनेको थियो । दोस्रो साता आईपुग्दा ५ अर्ब र तेस्रो साता आइपुग्दा १३ अर्ब रुपैयाँले घटेको छ ।
संघका अनुसार कर्जा तर्फ असार २१ गतेको तुलनामा साउन ४ गतेसम्म आईपुग्दा १५ अर्ब रुपैयाँले घटेको थियो । साउन १५ गतेसम्म पुग्दा बैंकमा कर्जाको माग १० अर्ब रुपैयाँले बढेर ३७ अर्ब १६ अर्ब रुपैयाँ पुगेको थियो । साउन २२ गतेसम्म आईपुग्दा बैंकमा कर्जाको माग १६ अर्ब रुपैयाँले बढेर ३७ खर्ब ३२ अर्ब रुपैयाँ पुगेको छ ।
वि.सं.२०७८ साउन २५ सोमवार १८:०३ मा प्रकाशित