काठमाडौं । विजय लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
कम्पनीले गत वर्ष ११ करोड ८४ लाख ५९ हजार रुपैयाँ नाफा कमाएको छ । जुन अघिल्लो वर्ष चौथो त्रैमासको तुलनामा १०३.७२ प्रतिशतले बढी हो । अघिल्लो वर्ष कम्पनी ५ करोड ८१ लाख ४७ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी ७४.२४ प्रतिशतले बढेर ३८ करोड १ लाख १७ हजार रुपैयाँ पुगेको छ । अघिल्लो वर्ष कम्पनीले २१ करोड ८१ लाख ४७ हजार रुपैयाँ खुद ब्याज आम्दानी गरेको थियो ।
कम्पनीको चुक्तापुँजी २६ करोड ६५ लाख ९७ हजार रुपैयाँ रहेको छ । कम्पनीले जगेडा तथा कोषमा १७ करोड ३३ लाख ८२ हजार रुपैयाँ रहेको छ ।
कम्पनीको खराब कर्जा भने बढेको देखिएको छ । अघिल्लो वर्ष ३.२४ प्रतिशत रहेको खराब कर्जा बढेर गत वर्ष ४.६६ प्रतिशत पुगेको छ । कम्पनीको प्रतिसेयर आम्दानी ४४ रुपैयाँ ४३ पैसा र प्रतिसेयर नेटवर्थ १६५ रुपैयाँ ४ पैसा रहेको छ ।
वि.सं.२०७८ साउन २७ बुधवार १३:२८ मा प्रकाशित
