काठमाडौं । नेपाल राष्ट्र बैंकले आर्थिक वर्ष २०७८/७९ को मौद्रिक नीति सार्वजनिक गरेको छ । होटल, ट्राभल्स टे«किङलाई २०७९ असार मसान्तसम्म पाक्ने ब्याजमा हर्जना र पेनाल्टी नलाग्ने व्यवस्था गरिएको छ ।
यातायात र मनोरञ्जन व्यवसायीले पुन समान्तसम्म तिर्नुपर्ने ब्याजको समय १ वर्ष थप्ने र ४ किस्तामा तिर्ने व्यवस्था गरिएको छ । यो व्यवस्था लघु, घरेलु तथा साना व्यवसायीमा पनि लाग्ने छ ।
कोभिड–१९ महामारीबाट अति प्रभावित क्षेत्रमध्ये रेष्टुरेण्ट, पार्टी प्यालेस, सार्वजनिक यातायात, शिक्षण संस्था र मनोरञ्जन व्यवसायका ऋणीले २०७८ पुससम्म भुक्तान गर्नुपर्ने साँवा तथा ब्याज दायित्वको समयावधि एक वर्षसम्म थप गरी कम्तिमा चार किस्तामा भुक्तानी गर्न सक्ने व्यवस्था गरिने भएको छ ।
उक्त व्यवस्था कोभिड–१९ महामारीका कारण नगद प्रवाह अवरुद्ध भएका लघु, घरेलु, साना र मझौला व्यवसायलाई समेत लागू हुने छ ।
कोभिड–१९ बाट अति प्रभावित पर्यटन, चलचित्र, पार्टी प्यालेस, सार्वजनिक यातायात तथा शिक्षा क्षेत्रमा प्रवाह भएको कर्जा बैंक तथा वित्तीय संस्थाले मूल्याङ्कन गरी २०७८ पुस सान्तसम्ममा पुनरसंरचना तथा पुनरतालिकीकरण गर्न सक्ने व्यवस्था मिलाइने छ ।
यस्तै महामारीबाट अति प्रभावित सार्वजनिक यातायात संचालन/मर्मत सम्भारको लागि बैंक तथा वित्तीय संस्थाले प्रति सवारी साधन रु २ लाखसम्म थप कर्जा प्रदान गर्न सक्ने व्यवस्था मिलाईने मौद्रिक नीतिमा उल्लेख छ ।
वि.सं.२०७८ साउन २९ शुक्रवार १६:१९ मा प्रकाशित