काठमाडौं । सांसद रामकुमारी झाँक्रीले नेप्सेका सिईओले श्रीमतिको नाममा सेयर किने पनि अर्थमन्त्रालयले कम्पनीलाई जानकारी गराउन माग गरेको भन्दै अर्थलाई स्पष्टीकरण सोध्नु पर्ने बताउनुभएको छ ।
अर्थसमितिमा भएको बैठकमा उहाँले यस्तो बताउनु भएको हो । उहाँले कारोबार सिईओले गर्ने जवाफ कम्पनिसँग माग्न नमिल्ने बताउनु भयो ।
उहाँले भन्नुभयो, ‘यसमा अर्थको मनसाय गलत छ । यो कारोबारले नैतिकतामा प्रश्न उठेको छ ।’ विनियमावली अनुसार कारोबार गरेको भन्न कसरि मिल्छ भन्दै उहाँले प्रश्न गर्नुभयो, ‘आफु २५० मा सेयर किन्ने अनि लगानिकर्तालाई किन ७५० मा बेच्ने ?’
सेयर कारोबार गर्ने हो भने नेतृत्वमा आउने हैन नि कम्पनी खोलेर बसे हुने धारणा राख्नु भयो । बजारका साना लगानिकर्ता आएका छन् र यसले के सन्देश जाला उहाँले प्रश्न गर्नुभयो ।
अर्थ मन्त्रालयलाई स्पष्टीकरण सोध्नु पर्ने उहाँको भनाई छ । यो बिषय यतिक्कै छोडन नहुने भन्दै अर्थ मन्त्रालयलाई किन कम्पनीलाई स्पष्टीकरण सोधेको भनेर पत्र काटनु पर्ने बताउनु भयो ।
वि.सं.२०७८ साउन ३२ सोमवार १२:०७ मा प्रकाशित