काठमाडौं । हिमालयन क्यापिटल लिमिटेडले साधारण सभाका लागि मिति तय गरेको छ । एक सूचना निकाल्दै क्यापिटलले आउँदो भदौ २५ गते सभा गर्ने भएको जानकारी गराएको छ ।
सभाले अन्य कुनै मर्चेन्ट बैंकिङ्ग संस्थासंग गाभ्ने/गाभिने तथा प्राप्ति/समाहित सम्वन्धी उपयुक्त प्रस्ताव आएमा सम्पूर्ण कार्यहरु गर्नका लागि संचालक समितिलाई अख्तियारी दिने छ ।
सभाले आर्थिक वर्ष २०७७/७८ को संचालक समितिको वार्षिक प्रतिवेदन उपर छलफल गरि पारित गर्ने, लेखापरीक्षकको प्रतिवेदन सहित २०७८ असार मसान्तको वासलात र २०७७ साउन १ गदेखि २०७८ असार मसान्तसम्मको नाफा नोक्सान हिसाब, बाँडफाँड र सोही अवधिको नगद प्रवाह विवरण लगायतको वित्तीय विवरणहरु माथि छलफल तथा पारित गर्ने छ ।
वि.सं.२०७८ भदौ ३ बिहीवार ११:५८ मा प्रकाशित
