काठमाडौं । अर्थ समितिको बैठकमा सांसद रामबावु यादवले धितोपत्र बोर्डका अध्यक्ष भिष्राज ढुंगाना र नेप्से सिईओ चन्द्रसिंह साउदलाई निलम्वन गरेर छावविन गर्न भएको छ ।
धितोपत्र बोर्डका अध्यक्ष ढुंगानाले छोरिको नाम र नेप्से सिईओ साउदले श्रीमतीको नाममा गरेको सेयर कारोबारको विषयमा निलम्बन गरेर छानविन गर्नुपर्ने बताउनुभएको हो ।
निलम्बन नगरी कसरी अनुसन्धान हुन्छ ? उहाँले प्रश्न गर्दै भन्नुभयो, ‘उहाँले अनुसन्धानलाई प्रभावित पार्न सक्नुहुन्छ, त्यसैले निलम्बन गरेर छानविन गर्नुपर्छ ।’
यसैविच सांसद रामकुमारी झाँक्रीले पनि बोर्ड अध्यक्ष ढुंगाना र नेप्से सिईओ साउद र बोर्ड संचालक चन्द्र ढकालाई पनि निलम्बन गरेर अनुसन्धान गर्न आग्रह गर्नु भयो । उहाँले बोर्डका अध्यक्षले लिएको सेयर गोल्डेर भएको र पैसा नतिरेको भन्ने सुनिएको भन्दै त्यसको अनुसन्धान गर्न आग्रह गर्नुभयो ।
सांसद झाँक्रीले उद्योग वाणिज्य महासंघले बोर्डमा पठाउने संचालक स्वार्थ नबाझिने खालको हुनुपर्ने बताउनुभयो । बोर्डमा आउनेले स्वार्थ बाझिन नहुने उहाँको भनाई छ ।
सांसद रामकुमारी झाँक्रीले सर्वोत्तम सिमेन्ट प्रकरणमा अर्थले लेखेको पत्रमा आपत्ति जनाउनुभएको छ ।
अर्थ मन्त्रालयमा आयोजित समितिको बैठकमा सांसद झाँक्रीले धितोपत्र कोर्डका अध्यक्षले छोरीको नाममा सेयर किन्ने अनि मन्त्रालयले किन यसरि सोधेको भनेर प्रश्न गर्नुभएको छ ।
‘जवाफ दिने कर्मचारी सबै बढुवाको चरणमा थियो । मन्त्रालयका कारण बोर्डको संस्था गत जवाफ आयो । बोर्डका कर्मचारी दबाब र प्रभावमा पारियो । यो अनुचित छ । ‘ सांसद झाँक्रीले भन्नुभयो । ‘नेपाल स्टक एक्सचेञ्ज(नेप्से) को कम्पनी सचिवलाई ल्याएर जवाफ दिन किन लगाउनुभयो ? यसमा दबाब र प्रभाव जोडिएको छ ।’ उहाँले थप्नुभयो, -‘छोरिले सेयर किन्न पाईन्छ भनेको छ । अब एकाघरका परिवार भन्ने परिभाषा परिवर्तन गर्ने हो कि ।’
धितोपत्र बोर्डमा जाने महासंघका प्रतिनिधि पठाउन स्वार्थ नबाझिने खालको हुनुपर्ने उहाँको भनाई छ । अहिले बजारमा अनुचित काम भएको र यसले साना लगानिकर्ता मर्कामा परेकाले कानुन नै सुधार गरेर अघि बढ्नुपर्नेमा उहाँले जोड दिनुभयो ।
वि.सं.२०७८ भदौ ४ शुक्रवार १२:०६ मा प्रकाशित
