काडमाडौं । सानिमा बैंकको शैक्षिक छात्रवृत्तिका लागि आवेदन खुला भएको छ । छात्रवृत्तिका लागि भदौ ३१ गतेसम्म आवेदन दिन सकिनेछ ।
बैंकले सन् २०१२ देखि काडमाडौं उपत्यका बाहिरका प्रत्येक शाखाहरुबाट कक्षा ११/१२ का लागि स्थायी बसोबास भएका गरिब तथा विपन्न वर्गका २–२ जना विद्यार्थीलाई विद्यार्थीकै रोजाईको शैक्षिक संस्था र विषयमा उच्च शिक्षा हासिल गर्न छात्रवृत्ति प्रदान गर्दै आइरहेको छ ।
विद्यार्र्थीहरुलाई शैक्षिक संस्थामा लाग्ने शुल्कहरु तथा शैक्षिक सामाग्रीहरुका साथै अतिरिक्त मासिक २ हजार नगदवृत्ति सहित दुई वर्षका लागि छात्रवृत्ति प्रदान गर्दै आएको छ ।
बैंकले संस्थागत सामाजिक उत्तरदायित्वलाई बहन गर्ने क्रममा शिक्षा, स्वास्थ्य लगायत अन्य क्षेत्रहरुमा विपन्न वर्गका समुदायलाई प्रत्यक्ष फाइदा हुने गरी विभिन्न कार्यक्रमहरु संचालन गर्दै आइरहेको छ ।
छात्रवृत्ति सम्बन्धि विस्तृत जानकारी बैंकको वेबसाइट https://www.sanimabank.com/ मा हेर्न सकिनेछ ।
वि.सं.२०७८ भदौ १० बिहीवार १७:५४ मा प्रकाशित
