काठमाडौं । प्रदेश नं.२ बाट बैदेशिक रोजगारीको लागि ठूलो संख्यामा श्रमिकहरु विदेश गएका छन । राष्ट्र बैंकको प्रादेशिक आर्थिक गतिविधि अध्ययनको प्रथम अर्ध वार्षिक प्रतिवेदनले यस्तो देखाएको हो ।
धनुषा जिल्ला मुलुककै सबभन्दा बढी बैदेशिक वैदेशिक रोजगारीमा जानेको संख्या रोजगारीमा श्रमशक्ति पठाउने जिल्लाको रुपमा रहेको छ ।
वैदेशिक रोजगारीमा जाने कामदारको संख्या उल्लेख्य रहेतापनि अदक्ष कामदारको संख्या अधिक रहेकोले यसबाट राम्रो आम्दानी गर्न भने सकेको देखिँदैन ।
आर्थिक बर्ष २०७७/७८ को पुस महिनासम्ममा यस प्रदेशबाट श्रम स्वीकृति लिनेको संख्या १५ हजार ३ सय २० रहेको छ । यो संख्या वाह्य रोजगारीका लागि मुलुकभरिबाट श्रम स्वीकृति लिने संख्याको २७.१५ प्रतिशत हो ।
विगत वर्षहरुमा यस प्रदेशबाट वैदेशिक रोजगारीको लागि श्रम स्वीकृति लिनेहरु मुलुकभरिबाट स्वीकृत लिने जम्मा संख्याको औसतमा ४६ प्रतिशत रहने गरेको थियो ।
यस प्रदेशबाट वैदेशिक रोजगारीमा गएका कामदारहरु मध्ये करिब ९६.० प्रतिशत कामदार कतार, संयुक्त अरब इमिरेट्स, साउदी अरब, कुवेत र मलेसियामा कार्यरत छन्।
वि.सं.२०७८ भदौ १४ सोमवार १७:१२ मा प्रकाशित