काठमाडौं । दोर्दी खोला जलविद्युत कम्पनीले असोज ६ गते साधारणसभा गर्ने भएको छ । गत साउन २७ गते बसेको संचालक समितिको बैठकले उक्त दिन कम्पनीको वार्षिक साधारणसभा गर्ने निर्णय गरेको थियो ।
सभाले संचालक समितिको आर्थिक वर्ष २०७७/७८ को वार्षिक प्रतिवेदन छलफल गरि पारित गर्ने छ । आव २०७८/७९ का लागि लेखा परीक्षक नियुक्ति र निजको पारिश्रमिक निर्धारण तथा संस्थापक समूहका संचालकहरुको निर्वाचन गर्नेछ ।
सभाको प्रबन्धकपत्र र नियमाली संशोधन गर्ने, नियमक निकायमहरुको निर्देशनमा प्रबन्धपत्र तथा नियमावलीका प्रस्तावित संशोधनहरुमा परिमार्जन तथा थपघट गर्न आवश्यक भएमा संचालक समितिलाई अख्तियारी प्रदान गर्ने विशेष प्रस्ताव रहेको छ ।
विस्तृतका लागि हेर्नुहोस् सूचना:
वि.सं.२०७८ भदौ १५ मंगलवार ११:२७ मा प्रकाशित
