काठमाडौं । अर्थमन्त्री जनार्दन शर्माले कोभिड १९ बाट प्रभावित रोजगारी र आर्य आर्जन गुमाएका घर परिवारलाई १० हजार रुपैयाँ अनुदान रकम दिने बताउनुभएको छ ।
अर्थमन्त्री शर्माले शुक्रबार प्रतिनिधिसभामा बजेट बिनियोजन विधेयक प्रस्तुत गद यस्तो जानकारी गराउनुभएको हो ।
उहाँले कोभिड १९ बाट रोजगारी र आयआर्जन गुमाएका अनौपचारिक र असंगठित क्षेत्रमा रहेका गरीब विपन्न परिवारलाई करिब ५ लाख परिवारलाई राहत स्वरुप अनुदान रकम प्रदान गर्ने जानकारी गराउनुभयो ।
उक्त अनुदान रकम निश्चित मापदण्डका आधारमा एक पटकका लागि प्रति घरबार १० हजार रुपैयाँका दरले दिने जानकारी गराउनुभयो ।
उक्त अनुदान रकम स्थानीय तहको समन्वयमा ८ असोज महिना भित्र हस्तान्तरण गर्ने आवश्यक तयारी गरेको जानकारी गराउनुभयो । शुक्रबार नेकपा एमालेको विरोधका बीच अर्थमन्त्री शर्माले विनियोजन विधेयक पेश गर्नुभएको हो ।
वि.सं.२०७८ भदौ २५ शुक्रवार १६:१२ मा प्रकाशित