काठमाडौं । नेपाल स्टक एक्सचेञ्ज (नेप्से) ले सूचीकृत संगठित संस्थाको वर्गिकरणको पुनरावलोकन गरेको छ ।
नेप्सेले गरेको पुनरावलोकनमा ‘ए’ वर्गमा वाणिज्य ३ वटा बैंक र एउटा वाणिज्य बैंक, एउटा विकास बैंक थपिएको छ । यस्तै ‘बी’ वर्गमा गुडविल फाइनान्स र ‘जेड’ वर्गमा ग्रिन डेभलपमेन्ट बैंक थपिएको छ । ‘ए’ वर्गमा प्रभु बैंक, स्ट्यान्डर्ड चार्टर्ड बैंक र माछापुच्छे« बैंक थपिएको छ । त्यस्तै विकास बैंक तर्फ मुक्तिनाथ विकास बैंक थपिएको छ ।
नेप्सेका अनुसार धितोपत्र सूचीकरण विनियमावली, २०७५ को विनियम ११ को उपविनियम ८ बमोजिम सूचीकृत संगठित संस्थाको वर्गिकरणको सूची साउन २९ गते सार्वजनिक गरेको थियो ।
उक्त विनियमावलीको विनियम ११ को उपविनियम ९ मा व्यवस्था भए बमोजिम उक्त वर्गिकरण मा पर्ने नपर्ने कारण सहित ३५ दिनभित्र वर्गिकरणमा पर्नु पर्ने दाबी सहित निवेदन माग गरेको थियो । उक्त समय भित्र निवेदन दिएका कम्पनीहरुको वर्गिकरणमा नेप्सेले पुनरावलोकन गरेको हो ।
वि.सं.२०७८ असोज ४ सोमवार १८:१२ मा प्रकाशित
