काठमाडौं । मंगलबार सुनको मूल्य वृद्धि भएको छ । आज नेपाली बजारमा छापावाला सुनको मूल्य प्रतितोला ७ सय रुपैयाँले बढेको हो ।
अघिल्लो ८८ हजार ९ सय रुपैयाँमा कारोबार भएको सुनको मूल्य आज बढेर ८९ हजार २ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघले आजका लागि तेजावी सुनको मूल्य भने ८८ हजार ७५० रुपैयाँ निर्धाण गरेको छ । तेजावी सुन सोमबार ८८ हजार ४५० रुपैयाँमा खरिदबिक्री भएको थियो ।
यस्तै, साताको तेस्रो कारोबार दिन चाँदीको मूल्य पनि सामान्य वृद्धि भएको छ । आज प्रतितोला ५ रुपैयाँले वृद्धि भई १ हजार १४० रुपैयाँ पुगेको छ । अघिल्लो दिन १ हजार १३५ रुपैयाँमा कारोबार भएको थियो ।
वि.सं.२०७८ असोज ५ मंगलवार ११:१० मा प्रकाशित