काठमाडौं । चालु आर्थिक वर्षको पहिलो महिना साउनमा १ लाख ११ हजार ४ सय ७१ जना ऋणीले १ खर्ब १८ अर्ब ४९ करोड रुपैयाँ सहुलियतपूर्ण पुनरकर्जा लिएका छन् ।
राष्ट्र बैंकका अुनसार साउन मसान्तसम्ममा १ लाख ११ हजार ४ सय ७१ ऋणीलाई सहुलियतपूर्ण कर्जा प्रवाह भएकोमा १ खर्ब ७२ अर्ब १७ करोड रुपैयाँ कर्जा बक्यौता रहेको छ ।
यसमध्ये कृषि तथा पशुपंक्षी व्यवसाय कर्जा अन्तर्गत ४८ हजार ४ सय ९८ ऋणीले १ खर्ब १२ अर्ब ७५ करोड कर्जा पाएका छन् । यस्तै महिला उद्यमशील कर्जा अन्तर्गत ६० हजार ३ सय २२ महिला उद्यमीलाई ५५ अर्ब ७९ करोड रुपैयाँ कर्जा प्रवाह भएको छ ।
सहुलियतपूर्ण कर्जाका अन्य शीर्षक अन्तर्गत २ हजार ६ सय ५१ ऋणीलेको ३ अर्ब ६४ करोड कर्जा बक्यौता रहेको छ । ‘व्यावसायिक निरन्तरता कर्जा प्रवाह कार्यविधि, २०७७’ बमोजिम कोभिड–१९ प्रभावित पर्यटन र घरेलु, साना तथा मझौला उद्यम क्षेत्रको व्यवसाय निरन्तरतामा सहयोग पु¥याउन ती क्षेत्रका श्रमिक तथा कर्मचारीको पारिश्रमिक भुक्तानीका लागि व्यवस्था गरिएको कर्जा साउन मसान्तसम्ममा १ अर्ब स्वीकृत भएको छ ।
वि.सं.२०७८ असोज ७ बिहीवार १७:०१ मा प्रकाशित
