काठमाडौं । राष्ट्रिय वाणिज्य बैंकले काठमाडौं उपत्याको एक दर्जन शाखामार्फत नयाँ नोट साट्न सकिने व्यवस्था गरेको छ ।
बैंकले वडा दशैको अवसर पारेर उपत्याको १३ स्थानमा रहेका शाखा कार्यालयमा नयाँ नोट साट्न सकिने व्यवस्था मिलाएको हो ।
नयाँ नोटका लागि हरेक दिन बिहान ११ बजेदेखि २ बजेसम्म र शुक्रबार ११ बजेदेखि १ बजेसम्म साट्न सकिने बैंकले जनाएको छ ।
बैंकको मुख्य शाखा कार्याल्य विशाल बजार, बानेश्वर, नक्साल, महाराजगञ्ज र शाखा कार्यालय बालाजु, सिंहदरवाह परिसर, पुतलीसडक, ललितपुर, लगनखेल, लुभु, सूर्यविनायक र सानामिठीबाट नयाँ नोट साट्न सकिनेछ ।
एक शाखा कार्यालयबाट दैनिक १ सय जना ग्राहकहरुको लागि मात्र प्रतिव्यक्ति बढी एक/एक प्याकेटका दरले १६ हजार ५ सय रुपैयाँ सटही सुविधा रहेको बैंकले जनाएको छ ।
वि.सं.२०७८ असोज १२ मंगलवार १७:११ मा प्रकाशित
