काठमाडौं । गाडी खरिदमा डीएफएसके नेपालले साढे तीन लाख रुपैयाँ नगद छुटको अफर ल्याएको छ ।
डीएफएसके नेपालको आधिकारिक बिक्रेता कुजु नेपाल प्रालिले गाडी खरिदमा विभिन्न अफर ल्याएको हो ।
डीएफएसके गाडी किन्दा ३ लाख ५० हजार रुपैयाँसम्म नगद छुट दिएको दिएको हो । यसका साथै डीएफएसकेको गाडीसँग एक्सचेञ्जमा ५० हजार बोनस प्रदान गरिने कुजु नेपालले जनाएको छ ।
डीएफएसके ग्लोरी ५६० किन्न चाहने ग्राहकले भने १० लाख रुपैयाँ मात्र डाउन पेमेन्ट गर्दा पनि गाडी लिन सक्ने छन् ।
कम्पनीले ३ लाख ५० हजार नगद छुटका साथे सहज फाइनासिङको व्यवस्था र एक वर्षको वार्षिक सडक दस्तुर छुटको सुविधा दिने छ ।
यसको साथै नगद छुटको सट्टा याडियाको इलेक्ट्रिक स्कुटर वा बाइक लिन सक्ने कम्पनीले जनाएको छ । उक्त स्कुटर र बाइकको मूल्य भने २ लाख ५० हजार बराबर हुनेछ ।
डीएफएसके ग्लोरी ५६० को ५८ लाख ५० हजार रुपैयाँदेखि ६४ लाख ५० हजार रुपैयाँसम्म मूल्य पर्दछ । यो गाडी ५ देखि ७ सिटको भेरियन्टमा उलपब्ध रहेको छ ।
यो गाडी १.५ लिटर पेट्रोल टर्वोचार्जड् इन्जिन, ४ सिलिण्डर, १६ भल्भ डीओएचसी र १ हजार ४९८ सीसी क्षमता साथै ६ स्पीड म्यानुअल(सीभीटी) ट्रन्समिसन, ५० लिटर इन्धन क्षमता रहेको छ ।
वि.सं.२०७८ असोज १९ मंगलवार १७:५० मा प्रकाशित
