काठमाडौं । साताको चौथो कारोबार दिन सिटिजन बैंकमा लगानीकर्ता झुम्मिएका छन् । बुधवार कम्पनीको सर्वाधिक कारोबार भएको हो ।
उक्त दिन बैंकको २३ करोड ४ लाख ४७ हजार रुपैयाँ बराबरको कारोबार भएको हो । नेपाल स्टक एक्सचेञ्ज(नेप्से)का अनुसार बैंकको आज ५ लाख ७६ हजार ४२१ कित्ता सेयर खरिदबिक्री भएको छ ।
उक्त दिन कम्पनीको सेयर मूल्य पनि सामान्य वृद्धि भएको हो । आज कम्पनीको सेयर मूल्य प्रतिकित्ता ३ रुपैयाँले वृद्धि भएको हो । योसंगै कम्पनीको सेयर मूल्य ३९८ रुपैयाँ पुगेको छ ।
बैंकले आर्थिक वर्ष २०७७÷७८ को वितरणयोग्य नाफाबाट १६ प्रतिशत लाभांश दिने प्रस्ताव गरेको छ । साधारणसभाका लागि मिति तय नगरेपनि बैंकले असोज २२ गते बुक क्लोज गर्ने भएको हो ।
बैंक १२.९१ प्रतिशत बोनस र कर प्रयोजनसहित ३.०८ प्रतिशत नगद लाभांश वितरण गर्ने प्रस्ताव गरेको छ । उक्त लाभांश आजसम्म सेयरधनी बन्ने लगानीकर्ताले पाउनेछन् ।
बिहीबार सार्वजनिक बिदा परेकाले उक्त लाभांश सुरक्षित गर्न आजसम्म अन्तिम मौका रहेको थियो । लगानीकर्ताले लाभांश सुरक्षित गर्न थालेपछि आज बैंकको सर्वाधिक कारोबार भएको हो ।
वि.सं.२०७८ असोज २० बुधवार १६:०७ मा प्रकाशित