काठमाडौं । मध्य भोटेकोशी जलविद्युत् कम्पनीको आईपीओमा आवेदन दिने भोलि अन्तिम दिन रहेको छ ।
असोज २० गतेदेखि कम्पनीले प्रतिकित्ता १०० अंकित दरका ९० करोड बराबरको ९० लाख कित्ता आईपीओ निष्काशन गरेको हो ।
निष्काशन गरिने कुल कित्तामध्ये ३ लाख ६० हजार कित्ता शेयर कर्मचारीहरुका लागि र ४ लाख ५० हजार कित्ता शेयर सामूहिक लगानी कोष र का लागि छुट्याइएको छ ।
बाँकी रहेको ८१ लाख ९० हजार कित्ताका लागि सर्वसाधारणले आवेदन दिन सक्नेछन् । यसमा रितपूर्वक आवेदन दिने योग्य ८ लाख १९ हजार जनाले १० कित्ताका दरमा सेयर पाउने देखिन्छ ।
उक्त आईपीओमा न्यूनतम १० कित्ता र अधिकतममा १० हजार कित्ताका लागि आवेदन दिन सकिने छ ।
कम्पनीको धितोपत्र निष्कासन तथा विक्री प्रबन्धक ग्लोबल आइएमई क्यापिटल र सह बिक्री प्रबन्धकहरुमा एनआईबिएल एस क्यापिटल, प्रभु क्यापिटल, लक्ष्मी, सिभिल क्यापिटल, सानिमा क्यापिटल र सिबिआइएल क्यापिटल मार्केट रहेका छन् ।
वि.सं.२०७८ असोज २४ आइतवार १७:११ मा प्रकाशित