काठमाडौं । सामलिङ्ग पावर कम्पनीले साधारण सेयर (आइपीओ) निष्काशन गरेको छ ।
कम्पनीले प्रति कित्ता एक सय रुपैयाँको दरले ७ करोड ३० लाख रुपैयाँको ७ लाख ३० हजार कित्ता आइपीओ निष्काशन गरेको हो ।
जसमा १४ हजार ६०० कित्ता कम्पनीका कर्मचारी र ३६ हजार ५०० कित्ता सेयर सामूहिक लगानी कोषका लागि छुट्याइएको छ । बाँकी रहेको ६ लाख ७८ हजार ९०० कित्तामा सर्वसाधारणले आवेदन दिन सक्नेछन् ।
आइपीओमा न्यूनतम १० कित्तादेखी अधिकतम २० हजार कित्तासम्म आवेदन दिन सकिने छ । आवेदन सि–आश्वा सदस्य रहेका बैंक तथा वित्तीय संस्था र मेरो सेयरबाट दिन सकिने छ ।
यसको धितोपत्र निष्काशन तथा बिक्री प्रवन्धकमा नेपाल एसबिआई मर्चेण्ट बैंकिङ्ग रहेको छ । आइपीओमा ८ कात्तिकसम्म आवेदन दिन सक्नेछन् ।
त्यस अवधिमा माग अनुसार आवेदन नपरेको खण्डमा कात्तिक १८ गतेसम्म आवेदन दिन सकिने छ । आइपीओलाई इक्रा नेपालले इक्राएनपी आईआर डबल बी माइनस रेटिङ्ग दिएको छ ।
वि.सं.२०७८ कात्तिक ४ बिहीवार १०:२५ मा प्रकाशित
