काठमाडौं । साताको पहिलो कारोबार दिन सुनको मूल्य वृद्धि भएको छ । नेपाली बजारमा छापावाला सुनको मूल्य प्रतितोला ४ सय रुपैयाँले वृद्धि भएको हो ।
अघिल्लो दिन ९१ हजार ७ सय रुपैयाँमा कारोबार भएको सुन आज बढेर ९२ हजार १ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य भने ९१ हजार ६ सय रुपैयाँ निर्धारण गरिएको छ । तेजावी सुन अघिल्लो दिन ९१ हजार २ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । आज प्रतितोला १० रुपैयाँले वृद्धि भई चाँदीको मूल्य १ हजार २६० रुपैयाँ कायम भएको छ । अघिल्लो दिन अर्थात शुक्रबार १ हजार २५० रुपैयाँमा खरिदबिक्री भएको थियो ।
वि.सं.२०७८ कात्तिक ७ आइतवार १०:५६ मा प्रकाशित
