काठमाडौं । बेष्ट फाइनान्स कम्पनीको सेयर मूल्यमा सकरात्मक सर्किट लागेको छ । कम्पनीको सेयर मूल्य १० प्रतिशतले वृद्धि भएको हो ।
यो समाचार तयार गर्ने बेलासम्म कम्पनीको सेयर मूल्य प्रतिकित्ता ४०.१० रुपैयाँले वृद्धि भएको हो । योसंगै कम्पनीको सेयर मूल्य ४४१.१० रुपैयाँ कायम भएको छ ।
कम्पनीले आजै मात्र चालु आर्थिक वर्षको पहिलो त्रैमासिक वित्तीय विवरण सार्वजनिक गरेको छ । विवरण अनुसार कम्पनीले १२ करोड ११ लाख ६० हजार रुपैयाँ खुद आर्जन गरेको छ । जसको प्रभाव सेयर मूल्यमा परेको हो ।
गत आवको सोही अवधिमा फाइनान्सको नाफा ८९ लाख ९९ हजार रुपैयाँ नोक्सानमा रहेको थियो । बैंकको खुद ब्याज आम्दानी घटेपनि सञ्चालन मुनाफामा सुधार देखिएको छ ।
वि.सं.२०७८ कात्तिक ७ आइतवार ११:२३ मा प्रकाशित