काठमाडौं । लागू औषध प्रयोगकर्ताका लागि संचालित उपचार तथा पुनस्र्थापना केन्द्रलाई आवद्धता लिनका लागि गृह मन्त्रालयले अनुरोध गरेको छ ।
एक सूचना निकाल्दै मन्त्रालयले आवद्धता नलिई संचालनमा रहेका त्यस्ता केन्द्रले यथासिघ्र आवद्धता लिनका लागि अनुरोध गरेको हो ।
लागू औषध प्रयोगकर्ताहरको लागि आवसीय उपचार सेवा प्रदान गर्ने गरि संचालनमा रहेका उपचार तथा पुनस्र्थापना केन्द्रहरुले संचालनका लागि निर्देशिका, २०७५ को दफा ४ अनुसार गृह मन्त्रालयबाट आवद्धता लिनुपर्ने व्यवस्था रहेको छ ।
हालसम्म २४० वटा केन्द्रहरुले मात्र आवद्धता लिएको मन्त्रालयले जनाएको छ । अनुगमनका क्रममा आवद्धता नभई संचालनमा रहेको पाइएमा प्रचलित कानून बमोजिम कारवाही हुने सूचनामा उल्लेख छ ।
यस्तो छ सूचना:
वि.सं.२०७८ कात्तिक ७ आइतवार १४:५७ मा प्रकाशित