काठमाडौं । साताको दोस्रो कारोबार दिन नेपाली बजारमा सुनको मूल्य वृद्धि भएको छ । उक्त दिन छापावाला सुनको मूल्य प्रतितोला ३ सय रुपैयाँले वृद्धि भएको हो ।
अघिल्लो दिन ९२ हजार १ सय रुपैयाँमा कारोबार भएको सुन आज बढेर ९२ हजार ४ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य ९१ हजार ९ सय रुपैयाँ निर्धारण भएको छ । तेजावी सुन आइतबार ९१ हजार ६ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि प्रतितोला ५ रुपैयाँले वृद्धि भएको छ । अघिल्लो दिन १ हजार २६० रुपैयाँमा खरिदबिक्री भएको चाँदी आज बढेर १ हजार २६५ रुपैयाँ पुगेको छ ।
वि.सं.२०७८ कात्तिक ८ सोमवार १०:४१ मा प्रकाशित