काठमाडौं । चालु आर्थिक वर्षको तीन महिनाको अवधिमा ब्यापारघाटा निकै चुलिएको छ ।
असोज मसान्तसम्म ४ खर्ब ७८ अर्ब ५२ करोड ३२ लाख २० हजार रुपैयाँको वस्तु तथा सेवा आयात हुँदा ६५ अर्ब ५ करोड २८ लाख ३४ हजार रुपैयाँको निर्यात भएको छ । पछिल्लो समयमा आयात र निर्यातको अन्तर निकै बढेको छ ।
गत आवको सोही अवधिको तुलनामा आयात ६३.७३ प्रतिशतले बढेको छ भने निर्यात १०९.५४ प्रतिशतले बढेको छ । गत आर्थिक वर्षको सोही अवधिमा २ खर्ब ९२ अर्ब २६ करोड ९८ लाख ६० हजार रुपैयाँको आयात हुँदा ३१ अर्ब ४ करोड ६० लाख ९३ हजार रुपैयाँको वस्तु तथा सेवा निर्यात भएको थियो ।
यो अवधिमा ब्यापारघाटा ५८.२८ प्रतिशतले बढेको छ । गत आर्थिक वर्षको तीन महिनाको अवधिमा २ खर्ब ६१ अर्ब २२ करोड ३७ लाख ६७ हजार रुपैयाँ रहेकोमा अहिले बढेर ४ खर्ब १३ अर्ब ४७ करोड ३ लाख ८६ हजार रुपैयाँ रहेको छ ।
भन्सार ,विभागका अनुसार तीन महिनाको अवधिमा वैदेशिक ब्यापार ६८.१३ प्रतिशतले बढेर ५ खर्ब ४३ अर्ब ५७ करोड ६० लाख ५४ हजार रुपैयाँ पुगेको छ । यो अवधिमा आयात र निर्यातको रेसियो २१.८६ प्रतिशतले घटेको छ ।
वि.सं.२०७८ कात्तिक ९ मंगलवार ११:५७ मा प्रकाशित