काठमाडौं । चन्द्रागिरी हिल्सले चालु आर्थिक वर्ष २०७८/७९ को प्रथम त्रैमासिक वित्तीय विवरण सार्वजनिक गरेको छ ।
कम्पनीको वित्तीय विवरणअनुसार चालु आवको असोज मसान्तसम्म ३ करोड ८७ लाख २१ रुपैयाँ नोक्सानीमा रहेको छ । गत वर्षको सोही अवधिमा ८ करोड ७१ लाख ५९ हजार रुपैयाँ नोक्सनीमा रहेको थियो ।
कम्पनी गत आर्थिक वर्षको पहिलो त्रैमासमा ३ करोड ७८ लाख रुपैयाँ ऋणात्मक रहेको सञ्चालन आम्दानी चालु आवको सोही अवधिमा ९१ लाख ३३ हजार रुपैयाँ धनात्मक भएको छ ।
कम्पनीको चुक्ता पुँजी १ अर्ब ५३ करोड ४० लाख ९१ हजार रुपैयाँ रहेको छ । जगेडा तथा कोष भने ४३ करोड २२ लाख ८१ हजार रुपैयाँ ऋणात्मक देखिएको छ । जुन गत वर्षको सोही अवधिमा पनि २२ करोड ६८ लाख ७७ हजार रुपैयाँ ऋणात्मक थियो ।
चालु आवको असोज मसान्तसम्ममा कम्पनीको प्रतिसेयर आम्दानी १० रुपैयाँ १० पैसा ऋणात्मक र प्रतिसेयर नेटवर्थ ७१ रुपैयाँ ८२ पैसा रहेको छ ।
वि.सं.२०७८ कात्तिक १२ शुक्रवार ११:१६ मा प्रकाशित
