काठमाडौं । साताको तेस्रो कारोबार दिन सेयर बजार वृद्धि भएको छ । उक्त दिन बजार दोहोरो अंकले बढको हो ।
२३.७६ अंकले बजार वृद्धि भएको उक्त दिन परिसुचक पनि २८४३.६२ अंकको बिन्दुमा पुगेर बन्द भएको छ । बजार वृद्धि भएता पनि कारोबार रकम भने घटेको छ ।
मंगलबार ६ अर्ब ७ करोड ३७ लाख १६ हजार रुपैयाँ बराबरको सेयर कारोबार भएको छ । आज बैंकिङ, लगानी र ब्यापार समूह घटेको छ ।
उक्त दिन सबैभन्दा बढी महालक्ष्मी विकस बैंकको कारोबार भएको छ । आज बैंकको ४६ करोड ९७ लाख २३ हजार रुपैयाँ बराबरको सेयर कारोबार भएको हो । आज बैंकको ६ लाख ५१ हजार ९७६ कित्ता सेयर खरिदबिक्री भएको हो ।
कारोबारकै आधारमा दोस्रो स्थानमा रहेको कामना सेवा विकास बैंकको २२ करोड १६ लाख ८० हजार रुपैयाँ बराबरको ३ लाख ३० हजार ७२८ कित्ता सेयर बिक्री भएको छ ।
उक्त दिन नबिल बैंकमा पनि लगानीकर्ता झुम्मिएका छन् । आज बैंकको २१ करोड १७ लाख ८६ हजार रुपैयाँ बराबरको सेयर कारोबार भएको छ । आज बैंकको १ लाख ३१ हजार ६५९ कित्ता सेयर किनबेच भएको हो ।
यस्तै, आज लुम्बिनी विकास बैंक र ज्योति विकास बैंकको पनि सर्वाधिक सेयर कारोबार भएको छ । उक्त दिन यी दुवै बैंकको २० करोड भन्दा बढीको सेयर कारोबार भएको हो ।
नेपाल स्टक एक्सचेञ्ज(नेप्से)का अनुसार आज लुम्बिनी विकास बैंकको २० करोड ७४ लाख ६९ हजार रुपैयाँ बराबरको ३ लाख २३ हजार १६३ कित्ता सेयर खरिदबिक्री भएको छ ।
ज्योति विकास बैंकको पनि २० करोड ६० लाख ३९ हजार रुपैयाँ बराबरको ३ लाख ५४ हजार ८१३ कित्ता सेयर खरिदबिक्री भएको छ ।
वि.सं.२०७८ कात्तिक १६ मंगलवार १५:३१ मा प्रकाशित
