काठमाडौं । सिभिल लघुवित्त वित्तीय संस्थाले चालु आर्थिक वर्ष २०७८÷७९ को प्रथम त्रैमासिक वित्तीय विवरण सार्वजनिक गरेको छ ।
कम्पनीले सार्वजनिक गरेको वित्तीय विवरण अनुसार चालु आवको असोज मसान्तसम्म १ करोड ५५ लाख ७७ हजार रुपैयाँ नाफा आर्जन गरेको छ ।
जुन गत वर्षको सोही अवधिमो तुलनामा २८२.८२ प्रतिशतले बढी हो । गत वर्षको असोज मसान्तसम्म कम्पनीले ४० लाख ६९ हजार रुपैयाँ मात्र नाफा कमाएको थियो ।
उक्त अवधिमा कम्पनीको खुद ब्याज आम्दानी ५ करोड २१ लाख ८० हजार रुपैयाँ नाफा रहेको छ । गत वर्षको असोज मसान्तको तुलनामा भने खुद ब्याज आम्दानी १२६.०८ प्रतिशतले बढी हो । गत वर्षको सोही अवधिमा कम्पनीको खुद ब्याज आम्दानी २ करोड ३६ लाख ७७ हजार रुपैयाँ थियो ।
कम्पनीको चुक्ता पुँजी २४ करोड २१ लाख २१ हजार रुपैयाँ रहेको छ । कम्पनीले जगेडा तथा कोषमा भने १३ करोड २० लाख ८७ हजार रुपैयाँ राखेको छ ।
उक्त अवधिमा कम्पनीको खराब कर्जा पनि घटाएको छ । गत वर्षको असोज मसान्तमा ३.५४ प्रतिशत रहेको खराब कर्जा यस वर्षको सोही अवधिमा भने १.८८ प्रतिशत रहेको छ ।
कम्पनीको प्रतिसेयर आम्दानी २५.७३ रुपैयाँ र प्रतिसेयर नेटवर्थ १५३.२० रुपैयाँ रहेको छ ।
वि.सं.२०७८ कात्तिक १७ बुधवार ०९:१९ मा प्रकाशित
