काठमाडौं । साताको पहिलो कारोबार दिन सेयर बजारमा दोहोरो अंकको गिरावट आएको छ । उक्त दिन बजार १९.२० अंकले घटेको हो ।
सोमबार बजार परिसुचक पनि २८२९.६५ अंकको बिन्दुमा पुगेर बन्द भएको छ । कारोबार रकम पनि घटेको छ । आज ४ अर्ब ४२ करोड ७ लाख १९ हजार रुपैयाँ बराबरको सेयर कारोबार भएको हो ।
उक्त दिन दुई बैंकमा लगानीकर्ता आकर्षित भएका छन् । आज महालक्ष्मी विकास बैंक र नबिल बैंकमा लगानीकर्ता झुम्मिएका हुन् ।
उक्त दिन महालक्ष्मी विकास बैंकको सर्वाधिक कारोबार भएको छ । आज बैंकको ५२ करोड १० लाख ३ हजार रुपैयाँ बराबरको सेयर कारोबार भएको हो ।
नेपाल स्टक एक्सचेञ्ज(नेप्से)का अनुसार आज कम्पनीको ६ लाख ७८ हजार ६२५ कित्ता सेयर खरिदबिक्री भएको हो । कम्पनीको सेयर मूल्य भने ८८२ रुपैयाँ पुगेको छ ।
यस्तै, कारोबारकै आधारमा दोस्रो स्थानामा रहेको नबिल बैंकको भने ३० करोड ३३ लाख २९ हजार रुपैयाँ बराबरको कारोबार भएको छ ।
नेप्सेका अनुसार १ लाख ८६ हजार ९८४ कित्ता सेयर खरिदबिक्री भएको छ । बैंकको सेयर मूल्य प्रतिकित्ता १ हजार ६१४ रुपैयाँ ७० पैसा पुगेको छ ।
वि.सं.२०७८ कात्तिक २२ सोमवार १५:३७ मा प्रकाशित
