काठमाडौं । सूर्योदय लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
कम्पनीले सार्वजनिक गरेको वित्तीय विवरण अनुसार पहिलो त्रैमासमा ३ करोड ६ लाख ४० हजार रुपैयाँ नाफा कमाएको छ । जुन गत वर्षको सोही अवधिको तुलनामा भने १५९.०७ प्रतिशतले बढी हो । गत वर्षको असोज मसान्तमा १ करोड १८ लाख २७ हजार रुपैयाँ नाफा कमाएको थियो ।
कम्पनीले ७ करोड ४६ लाख ६८ हजार रुपैयाँ खुद ब्याज आम्दानी गरेको छ । जुन गत वर्षको असोज मसान्तको तुलनमा २८.९८ प्रतिशतले बढी हो । गत वर्षको सोही अवधिमा कम्पनीको खुद ब्याज आम्दानी ५ करोड ७८ लाख ९२ हजार रुपैयाँ रहेको थियो ।
कम्पनीको चुक्ता पुँजी २४ करोड ८० हजार ४२ हजार रुपैयाँ रहेको छ । कम्पनीले जगेडा तथा कोषमा भने २१ करोड ४१ लाख ४ हजार रुपैयाँ राखेको छ ।
उक्त अवधिमा कम्पनीले १ अर्ब ५५ करोड २४ लाख १२ हजार रुपैयाँ निक्षेप संकलन गरि ४ अर्ब ४८ करोड ७ लाख ५४ हजार रुपैयाँ कर्जा प्रवाह गरेको छ ।
चालु आवको असोज मसान्तमा कम्पनीको खराब कर्जा पनि वृद्धि भएको छ । गत वर्षको उक्त अवधिमा २.९३ प्रतिशत रहेको खराब कर्जा यस वर्षको सोही अवधिमा बढेर ३.०३ प्रतिशत पुगेको छ ।
कम्पनीको प्रतिसेयर आम्दानी ४९ रुपैयाँ ४१ पैसा र प्रतिसेयर नेटवर्थ १८६ रुपैयाँ ३२ पैसा रहेको छ ।
वि.सं.२०७८ कात्तिक २५ बिहीवार ०८:५८ मा प्रकाशित