काठमाडौं । साताको अन्तिम कारोबार दिन सेयर बजारमा गिरावट आएको छ । उक्त दिन बजार ३.२२ अंकले घटेको छ ।
बिहीबार बजार परिसुचक २७३१.७८ अंकको बिन्दुमा पुगेर बन्द भएको छ । कारोबार रकम पनि घटेको छ । उक्त दिन ३ अर्ब ७८ करोड ९७ लाख ९ हजार रुपैयाँ बराबरको सेयर कारोबार भएको हो ।
उक्त दिन नेपाल टेलिकमको सर्वाधिक सेयर कारोबार भएको छ । कम्पनीको आज २६ करोड ५७ लाख १३ हजार रुपैयाँ बराबरको सेयर कारोबार भएको हो ।
आज कम्पनीको १ लाख ७९ हजार ८४९ कित्ता सेयर खरिदबिक्री भएको नेप्ले जनाएको छ । कम्पनीको सेयर मूल्य प्रतिकित्ता १ हजार ४८४ रुपैयाँ कायम भएको छ ।
कारोबारकै आधारमा दोस्रो स्थानमा रहेको महालक्ष्मी विकास बैंकको १६ करोड २१ लाख ८४ हजार रुपैयाँ बराबरको सेयर खरिदबिक्री भएको छ । उक्त दिन कम्पनीको २ लाख २७ हजार ४३४ कित्ता सेयर किनबेच भएको छ । कम्पनीको सेयर मूल्य भने ७०३ रुपैयाँ पुगेको छ ।
यस्तै, सिभिल बैंकको १४ करोड ७९ लाख १८ हजार रुपैयाँ बराबरको ५ लाख ४७ हजार ८७१ कित्ता, साना किसान विकास बैंकको १० करोड ४ लाख ८७ हजार रुपैयाँ ५७ हजार ९९६ कित्ता र नबिल बैंकको १० करोड १ लाख ६७ हजार रुपैयाँ बराबरको ६४ हजार ९५० कित्ता सेयर खरिदबिक्री भएको छ ।
वि.सं.२०७८ मंसिर ९ बिहीवार १५:३९ मा प्रकाशित
