काठमाडौं । मेरो माइक्रोफाइनान्स लघुवित्त वित्तीय संस्थाले संस्थापक सेयर बिक्री गर्ने भएको छ ।
कम्पनीले तीन संस्थापक सेयरधनीहरुको नाममा रहेको १ लाख ४ हजार ८ सय कित्ता संस्थापक सेयर बिक्री गर्न लागेको हो ।
संस्थापक सेयरधनी सूरुची मित्तलको नाममा रहेको ४ हजार ८ सय कित्ता (प्रतिकित्ता ५५० रुपैयाँ), राजेश कुमार अग्रवालको नाममा रहेको ५० हजार कित्ता सेयर (आव २०७७/७८ को प्राप्त हुने लाभांश समेत) र श्रवण कुमार अग्रवालको नाममा रहेका ५० हजार कित्ता (आव २०७७/७८ को प्राप्त हुने लाभांश समेत) कित्ता संस्थापक सेयर बिक्री गर्न लागेको हो ।
उक्त सेयर खरिद गर्न इच्छुक हाल कायम कम्पनीका संस्थापक सेयरधनीहरुले आवेदन दिन सक्नेछन् । आवेदन आजैका मितिदेखि ३५ दिन आवश्यक कागजात प्रमाण संलग्न गरि संस्थाको सम्पर्क कार्यालयमा दिन सकिनेछ ।
तोकिएको उक्त म्याद भित्र हाल कायम संस्थापक सेयरधनीहरुको निवेदन पेश हुन नआएमा प्रचलित नियमानुसार अन्य व्यक्ति/कम्पनीलाई बिक्री गर्न आवश्यक कार्यवाही अघि बढाईने सूचनामा उल्लेख छ ।
वि.सं.२०७८ मंसिर १० शुक्रवार १२:०० मा प्रकाशित