काठमाडौं । समता घरेलु लघुवित्त वित्तीय संस्थाले वार्षिक साधारणसभाका लागि मिति तय गरेको छ ।
कम्पनीले आउँदो पुस ७ गते आठौं सभा गर्ने भएको छ । कम्पनीको मंसिर ९ गते बसेको सञ्चालक समितिको बैठकले उक्त दिन सभा गर्ने निर्णय गरेको हो ।
सभाले आर्थिक वर्ष २०७७/७८ को मुनाफाबाट सेयरधनीहरुलाई २० प्रतिशत बोनस सेयर र ५ प्रतिशत नगद लाभांश वितरण गर्ने प्रस्ताव पेश गर्नेछ ।
सोही अवसरमा केन्द्रीय कार्यलय बनेपा ७ काभ्रेपलाञ्चोकमा स्थान्तरण गर्ने, कम्पनीको सेयर संरचना संस्थापकतर्फ ७० र सर्वसाधारणतर्फ ३० कायम हुने गरी पुनः एफपीओ जारी गर्ने प्रस्ताव पेश गर्नेछ ।
यसका साथै अन्य कुनै लघुवित्तसँग गाभ्ने गाभिने सम्बन्धी कार्य गर्न सम्पूर्ण कामको अख्तियारी सञ्चालक समितिलाई दिने, कम्पनीको सञ्चालक समितिमा प्रतिनिधित्व गर्ने १ जना महिला सहित ६ जना सञ्चालको निर्वाचन गर्ने लयायतका प्रस्ताव पनि पारित गर्नेछ ।
सभा प्रयोजनको लागि कम्पनीले मंसिर २४ गतेदेखि पुस ७ गतेसम्म बुक क्लोज गर्ने भएको छ ।
वि.सं.२०७८ मंसिर १२ आइतवार ११:१६ मा प्रकाशित