काठमाडौं । आइतबार सेयर बजारमा भारी अंकको गिरावट आएको छ । उक्त दिन बजार ८०.२९ अंकले घटेको छ ।
२.९४ प्रतिशतले बजार घटेको उक्त दिन परिसुचक २६५१.४९ अंकको बिन्दुमा पुगेर बन्द भएको छ । साताको पहिलो कारोबार दिन ५ अर्ब ८३ करोड ५१ लाख ३५ हजार रुपैयाँ बराबरको सेयर खरिदबिक्री भएको छ ।
उक्त दिन सबैभन्दा बढी महालक्ष्मी विकास बैंकको सेयर कारोबार भएको छ । आज बैंकको २९ करोड ८१ लाख ९१ हजार रुपैयाँ बराबरको सेयर कारोबार भएको छ ।
नेपाल स्टक एक्सचेञ्ज(नेप्से)का अनुसार आज बैंकको ४ लाख ४९ हजार १२९ कित्ता सेयर खरिदबिक्री भएको हो । बैंकको सेयर मूल्य भने ६५२ रुपैयाँ कायम भएको छ ।
कारोबारकै आधारमा दोस्रो स्थानमा रहेको नेपाल पुनर्बीमा कम्पनीको २३ करोड ४८ लाख ६१ हजार रुपैयाँ बराबरको सेयर किनबेच भएको छ ।
नेप्सेका अनुसार आज कम्पनीको १ लाख ७१ हजार २६७ कित्ता सेयर खरिदबिक्री भएको हो । कम्पनीको सेयर मूल्य १ हजार ३६५ रुपैयाँ पुगेको छ ।
यस्तै, उक्त दिन सर्वाधिक कारोबार हुने तेस्रो स्थानमा नेशनल हाइड्रोपावर कम्पनी रहेको छ । आज कम्पनीको २२ करोड ८५ लाख ९९ हजार रुपैयाँ बराबरको सेयर कारोबार भएको छ ।
उक्त दिन कम्पनीको ५ लाख ४० हजार ८७८ कित्ता सेयर खरिदबिक्री भएको हो । आज कम्पनीको सेयर मूल्य भने ४०९ रुपैयाँ कायम भएको छ ।
वि.सं.२०७८ मंसिर १२ आइतवार १५:३७ मा प्रकाशित
