काठमाडौं । बुधवार थप कम्पनीहरुले लाभांश घोषणा गरेका छन् । उक्त दिन एक वाणिज्य बैंकसहित तीन कम्पनीहरुले लाभांश घोषणा गरेका हुन् ।
उक्त दिन एनसीसी बैंक, आरएमडीसी लघुवित्त वित्तीय संस्था र श्री इन्भेष्टमेन्ट एण्ड फाइनान्स कम्पनीले गत आर्थिक वर्ष २०७७/७८ को मुनाफाबाट लाभांश घोषणा गरेका छन् ।
एनसीसी बैंकको मंगलबार बसेको संचालक समितिको बैठकले ८.४२ प्रतिशत लाभांश घोषणा गरेको हो । जसमध्ये गत आवको मुनाफाबाट सेयरधनीहरुलाई ८ प्रतिशत बोनस र कर प्रयोजनका लागि ०.४२ प्रतिशत नगद लाभांश दिने प्रस्ताव गरेको छ ।
यस्तै, श्री इन्भेष्टमेन्ट एण्ड फाइनान्स कम्पनीले गत आवको मुनाफाबाट १४.३० प्रतिशत लाभांश दिने भएको हो । कम्पनीले ११ प्रतिशत बोनस र कर प्रयोजनका लागि ३.३० प्रतिशत नगद लाभांश दिने भएको हो ।
त्यसैगरि आरएमडीसी लघुवित्त वित्तीय २५ प्रतिशत लाभांश घोषणा गरेको छ । कम्पनीले गत आवको मुनाफाबाट सेयरधनीहरुलाई २० प्रतिशत बोनस र कर सहित ५ प्रतिशत नगद लाभांश दिने भएको छ ।
यी तीन वटै कम्पनीको प्रस्तावित लाभांश नेपाल राष्ट्र बैकबाट स्वीकृत प्राप्त भई बैंक तथा कम्पनीको आगामी वार्षिक साधारणसभाले पारित गरेपश्चात वितरण हुनेछ ।
वि.सं.२०७८ मंसिर १५ बुधवार ११:४५ मा प्रकाशित