काठमाडौं । भोलि मंसिर २९ गते अर्थात बुधवार तीन कम्पनीको साधारण सभा हुँदैछ । उक्त दिन नेपाल इन्फ्रास्टक्चर बैंकसहित तीन कम्पनीले सभा गर्दैछन् ।
उक्त दिन नेपाल इन्फ्रास्टक्चर बैंक, बैंक अफ काठमाण्डू र शाइन रेसुङ्गा डेभलपमेण्ट बैंकले बुधवार साधारण सभा गर्न लागेका हुन् ।
यी तीनै कम्पनीले गत आर्थिक वर्ष २०७७/७८ को मुनाफाबाट सेयरधनीहरुलाई प्रस्ताव गरेको लाभांश पारित गर्ने मुख्य एजेण्डा रहेको छ ।
नेपाल इन्फ्रास्ट्रक्चर बैकले भोलि बिहान ९ बजे अनुपम फुडल्याड ब्याक्वेंट बत्तीसपुतलीमा सभा गर्न लागेको छ ।
सभामा बैंकले गत आर्थिक वर्ष २०७७/७८ को मुनाफबाट सेयरधनीलाई प्रस्ताव गरेको लाभांश पातिर गर्नेछ ।
सभाले सेयरधनीहरुलाई ८ प्रतिशत बोनस सेयर र कर सहित ०.४२ प्रतिशत नगद लाभांश वितरण गर्ने प्रस्ताव पारित गर्नेछ ।
बैंकले सभा र लाभांश वितरण प्रयोजनको लागि मंसिर ९ गते एक दिन बुक क्लोज गरेको छ ।
यस्तै, बैंक अफ काठमाण्डूले भोलि साधारणसभा गर्ने भएको छ । सभाले १० प्रतिशत बोनस शेयर र चार प्रतिशत नगद लाभांश करसहित वितरण गर्ने प्रस्ताव पारित गर्नेछ ।
बैंकले सभा र लाभांश वितरण प्रयोजनको मंसिर १० गतेदेखि २९ गतेसम्म बुक क्लोज गरेको छ ।
त्यसैगरि भोलि हुने शाइन रेसुङ्गा डेभलपमण्ट बैंकको सभाले पनि लाभांश पारित गर्ने मुख्य एजेण्डा रहेको छ ।
बैंकले सेयरधनीहरुलाई गत आर्थिक वर्ष २०७७/७८ को मुनाफाबाट ११.५ प्रतिशत लाभांश वितरण गर्ने प्रस्ताव गरेको छ ।
सभाले १०.९३ प्रतिशत बोनस सेयर र ०.५७ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ ।
सभा र लाभांश वितरण प्रयोजनको लागि बैंकले मंसिर १७ गतेदेखि २९ गतेसम्म बुक क्लोज गरेको छ ।
वि.सं.२०७८ मंसिर २८ मंगलवार १६:५८ मा प्रकाशित
