काठमाडौं । साताको चौथो कारोबार दिन सेयर बजारमा गिरावट आएको छ । उक्त दिन बजार ४.२३ अंकले घटेको हो ।
बुधवार बजार परिसुचक पनि २४१४.६२ अंकको बिन्दुमा पुगेर बन्द भएको छ । आज कारोबार रकम भने बढोत्तरी देखिएको छ ।
उक्त दिन ४ अर्ब ५८ करोड ८३ लाख ९० हजार रुपैयाँ बराबरको ९८ लाख ७९ हजार १०९ कित्ता सेयर खरिदबिक्री भएको हो ।
उक्त दिन बैंकिङ समूह ९.२८ अंक, होटेल तथा पर्यटन ५३.२८ अंक, माइक्रोफाइनान्स १८.७९, जीवन बीमा ४३.९८ अन्य ११.०५ अंकले घटेको छ । यी बाहेक अन्य समहूहरु भने वृद्धि भएका छन् ।
उक्त दिन सबैभन्दा बढी महालक्ष्मी विकास बैंकको सेयर कारोबार भएको छ । उक्त दिन बैंकको १६ करोड ५८ लाख ६२ हजार रुपैयाँ बराबरको सेयर खरिदबिक्री भएको हो ।
कारोबारकै आधारमा दोस्रो स्थानमा रहेको नेशनल हाइड्रोपावरको १५ करोड ८४ लाख ७२ हजार रुपैयाँ बराबरको सेयर खरिदबिक्री भएको छ ।
नेपाल स्टक एक्सचेञ्ज (नेप्से)का अनुसार आज अपि पावरको १३ करोड ८८ लाख ९४ हजार, नबिल बैंकको १३ करोड २९ लाख २० हजार, हिमालयन डिस्टीलरीको १२ करोड ७८ लाख ४८ हजार, अरुण काबेली पावरको ११ करोड ३६ लाख ९३ हजार र अरुण भ्याली हाइड्रोपावरको ११ करोड ३१ लाख १४ हजार रुपैयाँ बराबरको सेयर कारोबार भएको छ ।
वि.सं.२०७८ मंसिर २९ बुधवार १५:१४ मा प्रकाशित
