काठमाडौं । भोलि अर्थात पुस २ गते नेपाल बैंक लिमिटेडको साधारण सभा हुने भएको छ । भोलि बैंकले ६२औं वार्षिक साधारण सभा गर्ने भएको हो ।
सभामा लाभांश पारित गर्ने मुख्य एजेण्डा रहेको छ । सभाले गत आर्थिक वर्ष २०७७/७८ को मुनाफबाट सेयरधनीलाई १७ प्रतिशत लाभांश दिने प्रस्ताव पारित गर्नेछ ।
बैंकको कात्तिक ७ गतेको सञ्चालक समितिको बैठकले गत आवको वितरणयोग्य मुनाफाबाट हाल कायम चुक्तापूँजीको आधारमा १४ प्रतिशत बोनस सेयर र कर प्रयोजन समेत ३ प्रतिशत नगद लाभांश वितरणको प्रस्ताव गरेको हो ।
यस्तै सभाले गत आर्थिक वर्ष २०७७/७८ को वार्षिक प्रतिवेदन सहितका वित्तीय विवरणहरु पारित गर्नेछ । साधारण सभा प्रयोजनका लागि बैंकले मंसिर २१ गते एक दिन बुक क्लोज गरेको छ ।
वि.सं.२०७८ पुस १ बिहीवार १२:२७ मा प्रकाशित
