काठमाडौं । थप चार कम्पनीले लाभांश घोषणा गरेका छन् । कम्पनीहरुको गत विहीबार बसेको संचालक समितिको बैठकले लाभांश प्रस्ताव गरेको हो ।
पुस १ गतेदेखि यता दुई फाइनान्स, एक बैंक र एक जलविद्युत कम्पनीले लाभांश घोषणा गरेका हुन् ।
ती चारवटै कम्पनीहरुले सेयरधनीहरुलाई गत आर्थिक वर्ष २०७७/७८ को मुनाफबाट बोनस सेयर र नगद लाभांश घोषणा गरेका हुन् ।
लाभांश घोषणा गर्नेमा प्रोग्रेसिभ फाइनान्स, पोखरा फाइनान्स, कृषि विकास बैंक र नेपाल नेपाल हाइड्रो डेभलपर्स कम्पनी रहेका छन् ।
प्रोग्रेसिभ फाइनान्स : प्रोग्रेसिभ फाइनान्सले लाभांश घोषणा गरेको छ । कम्पनीको गत बिहीबार बसेको संचालक समितिको बैठकले ७.३६ प्रतिशत लाभांश दिने प्रस्ताव गरेको हो ।
बैंक सेयरधनीहरुलाई गत आर्थिक वर्ष २०७७/७८ को मुनाफाबाट ७ प्रतिशत बोनस सेयर र कर प्रयोजनका लागि ०.३६८४ प्रतिशत नगद लाभांश दिने भएको हो ।
प्रस्तावित उक्त लाभांश नेपाल राष्ट्र बैंकको स्वीकृत भई बैंकको आगामी वार्षिक साधारा सभाले पारित गरेपश्चात वितरण हुनेछ ।
पोखरा फाइनान्स : पोखरा फाइनान्स लिमिटेडले लाभांश प्रस्ताव गरेको छ । कम्पनीको गत बिहीबार बसेको संचालक समितिको बैंठकले ८.५ प्रतिशत लाभांश दिने प्रस्ताव गरेको हो ।
कम्पनीले गत आर्थिक वर्ष २०७७/७९ को मुनाफाबाट हाल कायम चुक्ता पुँजीको ८.०७५ प्रतिशत बोनस सेयर र कर प्रयोजनका लागि ०.४२५ प्रतिशत नगद लाभांश वितरण गर्ने भएको छ ।
प्रस्तावित उक्त लाभांश नेपाल राष्ट्र बैंकको स्वीकृति लिई कम्पनीको आगामी २५औं वार्षिक साधारण सभाले पारित गरे पश्चात वितरण हुनेछ ।
कृषि विकास बैंक : कृषि विकास बैंकले लाभांश घोषणा गरेको छ । बैंकको बिहीबार बसेको संचालक समितिको बैठकले २१.०५ प्रतिशत लाभांश दिने निर्णय गरेको हो ।
बैंक सेयरधनीहरुलाई गत आर्थिक वर्ष २०७७/७८ को मुनाफाबाट २० प्रतिशत बोनस सेयर र कर प्रयोजनका लागि १.०५२६ प्रतिशत नगद लाभांश दिने भएको हो ।
प्रस्तावित उक्त लाभांश नेपाल राष्ट्र बैंकको स्वीकृत भई बैंकको आगामी वार्षिक साधारा सभाले पारित गरेपश्चात वितरण हुनेछ ।
नेपाल हाइड्रो डेभलपर्स : नेपाल हाइड्रो डेभलपर्स लिमिटेडले लाभांश घोषणा गरेको छ ।
कम्पनीको गत बिहीबार बसेको सञ्चालक समितिको बैठकले ७.३६८४ प्रतिशत लाभांश दिने प्रस्ताव गरेको हो ।
कम्पनीले गत आर्थिक वर्ष २०७७/७८ को मुनाफाबाट कम्पनीका सेयरधनीहरुलाई ७ प्रतिशत बोनस सेयर र कर प्रयोजनका लागि ०.३६८४ प्रतिशत नगद लाभांश वितरण गर्ने प्रस्ताव गरेको हो ।
उक्त प्रस्तावित लाभांश आगामी वार्षिक साधारण सभाबाट स्वीकृत भए पश्चात वितरण गरिनेछ ।
वि.सं.२०७८ पुस ४ आइतवार १३:२५ मा प्रकाशित