काठमाडौं । साताको तेस्रो कारोबार दिन सुनको मूल्यमा गिरावट आएको छ । उक्त दिन छापावाला सुनको मूल्य प्रतितोला ४ सय रुपैयाँले घटेको हो ।
अघिल्लो दिन ९३ हजार रुपैयाँमा कारोबार भएको सुन आज घटेर ९२ हजार ६ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य ९२ हजार १ सय रुपैयाँ कायम भएको छ । अघिल्लो दिन तेजावी सुन ९२ हजार ५ सय रुपैयाँ कारोबार भएको थियो ।
यस्तै, उक्त दिन चाँदीको मूल्य भने वृद्धि भएको छ । आज प्रतितोला १० रुपैयाँले वृद्धि भई १ हजार २४५ रुपैयाँ कायम भएको छ । अघिल्लो दिन १ हजार २३५ रुपैयाँमा कारोबार भएको थियो ।
वि.सं.२०७८ पुस ७ बुधवार ११:०२ मा प्रकाशित
