काठमाडौं । समृद्धि फाइनान्स कम्पनीले संस्थापक सेयर बिक्री गर्ने भएको छ ।
कम्पनीले संस्थापक सेयरधनीको नाममा रहेको ४ हजार ६१८ कित्ता संस्थापक सेयर बिक्री गर्न लागेको हो ।
उक्त सेयर खरिद गर्न इच्छुक व्यक्तिहरुले आवेदन दिन सक्नेछन् । कम्पनीले यस भन्दा अगाडि नै ३५ दिने सूचना प्रकाशित गरि सेयर बिक्रीमा ल्याएको थियो ।
उक्त अवधिमा संस्थापक सेयरधनीहरुबाट आवेदन नपरेपछि नेपाल राष्ट्र बैंकको निर्देशन बमोजिम अन्य व्यक्तिलाई बिक्री गर्न लागेको हो ।
उक्त सेयरको न्युनतम मूल्य प्रतिकित्ता एक सय रुपैयाँ तोकिएको छ । आवेदकले न्यूनतम १ एक हजार कित्ताको लागि आवेदन दिन सक्ने कम्पनीले जानकारी गराएको छ ।
वि.सं.२०७८ पुस ७ बुधवार १२:२१ मा प्रकाशित
