काठमाडौं । राष्ट्रिय वाणिज्य बैंकले वार्षिक साधारण सभाका लागि मिति तय गरेको छ । बैंकको बुधवार बसेको संचालक समितिको बैठकले पुस २९ गते सभा गर्ने निर्णय गरेको हो ।
सभामा ३० प्रतिशत बोनस सेयर र कर प्रयोजनकालागि ३ प्रतिशत नगद लाभांश वितरण गर्ने प्रस्ताव पारित गर्नेछ ।
सभाको विशेष प्रस्तावमा बैंकको चुक्ता पुँजी वृद्धि गर्ने, नेपाल सरकारबाट बैंकको सेयर पुँजीमा लगानी वापत प्राप्त रकम अर्थ मन्त्रालयमो नाममा सेयर कायम गर्ने, संचालक समितिको भत्ता एवं सुविधा वृद्धि गर्ने रहेको छ ।
सभाले संचालक समितिको तर्फबाट बैंकको आर्थिक वर्ष २०७७/७८ को वार्षिक प्रतिवेदन उपर छलफल गरि पारित गर्नेछ । चालु आवको लागि बाह्य लेखापरीक्षक नियुक्ति गर्ने तथा निजको पारिश्रमिक निर्धारण गर्नेछ ।
सभा प्रयोजनका लागि बैंकले पुस १९ गते बुक क्लोज गर्ने भएको छ ।
वि.सं.२०७८ पुस ८ बिहीवार ११:३३ मा प्रकाशित
