काठमाडौं । साताको पहिलो कारोबार दिन सेयर बजारमा उत्साह देखिएको छ । आइतबार बजार ७१.२० अंकले वृद्धि भएको हो ।
उक्त दिन बजार परिसुचक २५९१.४२ अंकको बिन्दुमा पुगेर बन्द भएको छ । २.८२ प्रतिशतले बजार बढेको उक्त दिन कारोबार रकम पनि वृद्धि भएको छ ।
नेपाल स्टक एक्सचेञ्ज(नेप्से)का अनुसार आज ५ अर्ब १७ करोड ३२ लाख रुपैयाँ बराबरको ८६ लाख १ हजार ९५६ कित्ता सेयर खरिदबिक्री भएको छ ।
आज जलविद्युत समूह ३.४६ अंक र फाइनान्स समूह २४.२ अंकले घटेको छ । भने अन्य सबै समूह हरियाली देखिएका छन् ।
आज नबिल बैंकसहित दुई कम्पनीको सर्वाधिक कारोबार भएको छ । उक्त दिन नबिल बैंकको ३२ करोड ७ लाख ४९ हजार रुपैयाँ बराबरको सेयर कारोबार भएको छ ।
यस्तै, कारोबार रकमकै आधारमा दोस्रो स्थानमा रहेको हिमालयन डिष्टीलरीको २६ करोड ६६ लाख ५२ हजार रुपैयाँ बराबरको सेयर खरिदबिक्री भएको छ ।
वि.सं.२०७८ पुस ११ आइतवार १५:१२ मा प्रकाशित