काठमाडौं – साहस ऊर्जा लिमिटेडले बनाउँदै गरेको दूधकोसी (८६ मेगावाट) को पेनस्टक पाइपको प्रेसर परीक्षण गर्ने क्रममा पाइप पड्कदा दुई जना इन्जिनियरको मृत्यु भएको छ । मृत्यु हुनेहरुमा आयोजनामा कार्यरत अछामका सुवासराज काफ्ले र काभ्रेका अर्जुन थापा छन् । सो आयोजनाका अनुसार एक जना भने घाइते भएका छन् । साहस ऊर्जाका अध्यक्ष हिमप्रसाद पाठकका अनुसार पेनस्टक पाइपको हाइड्रोलिक टेस्ट (पाइपले पानी थेग्न सक्ने परीक्षण) का क्रममा पाइप फुट्दा उक्त दुर्घटना भएको हो ।
‘पाइपको ज्वाइन टेस्ट गर्न पानी राखेर हेर्नुपर्ने हुन्छ,सोही क्रममा पाइप फुटेर दुईजनाको मृत्यु भएको आयोजनाले जनाएको । यो आयोजनामा ६ सय मिटरको उचाइबाट प्रतिसेकेण्ड १७ घनमिटर पानी तीव्र गतिले पेनस्टक पाइपमा खस्दा त्यसभित्रको अत्यधिक चाप सहन नसकी पाइप फुटेको आयोजनाको दावी रहेको छ । सो आयोजनामा हाइड्रो–मेकानिकलका कार्य गुणस्तरहीन रहेको यो घटनाले संकेत गर्ने उर्जाविद्हरुको भनाई रहेको छ ।
आयोजनामा एक जना पनि सम्बन्धीत क्षेत्रको विज्ञ छैनन। सहकारीका केही नेताहरु मिलेर सो आयोजना निर्माणमा हात हालेका हुन् । आयोजना इन्जिनियरले गर्ने भएकोले कुनैपनि समस्या नहुने आयोजनाका सन्चालकहरुले दावी गर्दै आइरहेका थिए । आयोजनामा हाइड्रो–मेकानिकलको ठेकेदार माछापुच्छ«े मेटल एण्ड मेसिनरी वक्र्स प्रालि छ । यसको परमार्शदातामा नेपालको हाइड्रो–कन्सल्ट इन्जिनियरिङ लिमिटेड र फिचनर जीएमबीएच एण्ड कम्पनीको संयुक्त उपक्रम छन् ।
वि.सं.२०७८ पुस १२ सोमवार १७:३० मा प्रकाशित
