काठमाडौं । नेशनल माइक्रोफाइनान्स लघुवित्त वित्तीय संस्थाले साधारण सभाका लागि मिति तय गरेको छ । कम्पनीको आठौं साधारण सभा आउँदो माघ ६ गते गर्ने भएको छ ।
सभामा लाभांश पारित गर्ने मुख्य एजेण्डा रहेको छ । कम्पनीले हाल कायम चुक्तापूँजीको ४० प्रतिशत बोनस सेयर ५ प्रतिशत नगद लाभांश वितरण गर्ने प्रस्ताव गरेको छ ।
सभाले अन्य लघुवित्तसँग मर्जर अथवा एक्विजिशन सम्बन्धि सम्पूर्ण कार्य गर्न र लघुवित्तको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिनेछ ।
यसका साथै लेखापरीक्षकको नियुक्ति गर्ने र निजको पारिश्रमिक निर्धारण गर्ने लगायतका प्रस्तावहरु पनि पारित गर्नेछ ।
साधारण सभा प्रयोजनको लागि कम्पनीले पुस २७ गतेदेखि माघ ६ गतेसम्म बुकक्लोज गर्ने भएको छ ।
वि.सं.२०७८ पुस १३ मंगलवार ११:३३ मा प्रकाशित
