काठमाडौं । नेपाल बंगलदेश बैंकको सेयर मूल्यमा उछाल आएको छ । बुधवार बैंकको सेयर मूल्य ९.०८ प्रतिशतले वृद्धि भएको हो ।
साताको चौथो कारोबार दिन बैंकको सेयर मूल्य प्रतिकित्ता ३३ रुपैयाँ ५० पैसाले वृद्धि भई ४०२ रुपैयाँ ५० पैसा कायम भएको छ ।
नेपाल स्टक एक्सचेञ्ज(नेप्से)का अनुसार आज बैंकको २० करोड ६३ लाख ९२ हजार रुपैयाँ बराबरको सेयर कारोबार भएको छ ।
नेप्सेका अनुसार आज बैंकको ५ लाख २५ हजार ९४४ कित्ता सेयर किनबेच भएको हो ।
वि.सं.२०७८ पुस १४ बुधवार १५:५१ मा प्रकाशित