काठमाडौं । शुक्रबार एक हाइड्रोपावर कम्पनीसहित तीन कम्पनीको साधारण सभा हुँदैछ ।
उक्त दिन घलेम्दी हाइड्रो, सूर्योदय लघुवित्त वित्तीय संस्था, वोमी लघुवित्त वित्तीय संस्थाले सभा गर्न लागेका हुन् । सभामा लाभांश पारित गर्ने मुख्य एजेण्डा रहेको छ ।
घलेम्दी हाइड्रोले आज सभा गर्दैछ । कम्पनीको सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्नेछ ।
यसका साथै आव २०७८/७९ को लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पारित गर्नेछ ।
यस्तै, सूर्योदय लघुवित्तको पनि सभा हुँदैछ । सभाले २० प्रतिशत बोनस सेयर वितरण गर्ने प्रस्ताव पारित गर्नेछ ।
साथै सभाले सूर्योदय लघुवित्त र वोमी लघुवित्त वित्तीय संस्था एक आपसमा गाभिने प्रस्ताव पनि पारित गर्नेछ ।
त्यसैगरी वोमी लघुवित्तको पनि आज साधारण सभा हुँदैछ । सभाले २० प्रतिशत बोनस सेयर वितरण गर्ने प्रस्ताव पारित गर्नेछ । साथै वोमी लघुवित्त र सूर्योदय लघुवित्त एक आपसमा गाभिने प्रस्ताव पनि पारित गर्नेछ ।
वि.सं.२०७८ पुस १६ शुक्रवार ११:०२ मा प्रकाशित